✏️ Uit die Hoof se Pen ✏️

🏡 Tema van die week: “Hier bly ek”

Hierdie week het ons gesels oor waar ons bly en waar ons hoort. Die kinders het geleer van hul eie huise, hul dorp en ook van ons land. Daar was baie lekker stories oor wie by die huis bly en wat elke huis vir hulle spesiaal maak. 💛

Ons het ook geleer dat daar verskillende soorte huise is. Ons het gesels oor woonstelle, tuinhuise en gewone huise, en hoe mense op verskillende plekke woon. Dit was vir die kinders interessant om te sien hoe huise kan verskil, maar dat elkeen steeds ’n plek is waar ’n mens veilig en gelukkig voel. 🏢🏡

Met baie entoesiasme het die kinders huise gebou met houtblokke. Klein boumeesters het planne gemaak, torings gestapel en hul eie “woonbuurte” geskep. Dit was wonderlik om te sien hoe hul verbeelding werk terwyl hulle bou en speel. 🧱

Hierdie tema help die kinders ook om te verstaan dat Frangipani self soos ’n huis is – ’n plek waar ons saam leer, saam speel en vir mekaar omgee. 🌸

Dit was weer ’n week vol leer, bou, ontdek en saam lag.

Met liefdeMe. Annet 💛