✏️ Uit die Hoof se Pen ✏️

👩‍⚕️👨‍🚒👩‍🏫 Tema van die week: Beroepe (Occupations) 👨‍🍳👮‍♂️👩‍🔧

Hierdie week het ons gesels oor die baie verskillende beroepe wat mense doen en hoe elke beroep 'n belangrike rol in ons gemeenskap speel. Die kinders het geleer van dokters, verpleegsters, onderwysers, polisiebeamptes, brandweermanne en baie ander mense wat elke dag hard werk om ons te help. 💛

Ons tema het hierdie week sommer werklikheid geword toe ons die voorreg gehad het om besoek te ontvang van die span van Arie Nel Apteek. 🏥❤️ Hulle het met die kinders kom gesels oor hul werk, hul kennis gedeel en die leerlinge laat sien hoe belangrik gesondheidswerkers in ons gemeenskap is.

Die besoek was vir die kinders baie spesiaal. Daar is vrae gevra, nuwe dinge geleer en baie glimlagte gedeel. Die span het ook geskenkpakkies vir die kinders gebring, wat groot opgewondenheid veroorsaak het. 🎁😊

Tussendeur al die leer het ons natuurlik ook gespeel, gelag en saam gekuier. By Frangipani glo ons dat leer die beste plaasvind wanneer kinders kan ervaar, ontdek en deelneem. 🌸

Ons wil graag ons opregte dank uitspreek aan die span van Arie Nel Apteek vir hul besoek, tyd en omgee-harte. Julle het hierdie tema op 'n besonderse manier lewendig gemaak vir ons kinders. 🤲💙

✨ Dit was 'n week vol ontdekking, inspirasie en waardering vir die mense wat elke dag 'n verskil maak. ✨

Met liefde

Me. Annet 💛